Rådgjevar - Invest in Vestland

Vestland fylkeskommune søkjer ein erfaren og engasjert rådgjevar i fast stilling til arbeidet med Invest in Vestland. Stillinga er organisert i seksjon for Grøn næringsinfrastruktur og vil spele ei sentral rolle i arbeidet med å tiltrekkje nasjonale og internasjonale verksemder til Vestland.

Invest in Vestland er fylkeskommunen sitt verkemiddel for investeringsfremje og jobbar tett saman med Invest in Norway, Noreg si nasjonale investeringsfremjeorganisasjon, og eit breitt regionalt partnarnettverk. Vi jobbar tett og samarbeidar med Invest in-tilsette i Sogn og Fjordane og Sunnhordland.

Les meir om arbeidet på: https://www.investinvestland.no/

Arbeidsoppgåver

Som rådgjevar i Invest in Vestland vil du blant anna arbeide med:

• rådgjeving og oppfølging av verksemder som vurderer etablering eller utviding i Vestland
• kommunikasjonsarbeid om investeringsmoglegheitar i Vestland som artiklar på nettside og innlegg på Linkedn
• dialog og samarbeid med nasjonale og internasjonale selskap
• utvikling og koordinering av investeringsbeslutningar i samarbeid med kommunar, næringsliv og verkemiddelapparat
• strategisk analyse og utviklingsarbeid knytt til næring, energi og grøn omstilling
• presentasjonar, møteverksemd og formidling på norsk og engelsk
• bidrag til vidareutvikling av Invest in Vestland som fagmiljø og funksjon i fylkeskommunen

Arbeidsoppgåvene vil bli tilpassa bakgrunn og erfaring hos den som blir tilsett.  Arbeidsoppgavene kan bli endra på sikt om prioriteringane på avdelinga vert endra til dømes ved omorganiseringar. 

Kvalifikasjonar

Kvalifikasjonar vi er ute etter er:

• utdanning på masternivå frå relevant høgare utdanning som  økonomi, leiing eller tilsvarande (til dømes frå NHH)
• god kunnskap om/innsikt i dei viktigaste næringane i Vestland
• svært gode språkferdigheiter i norsk og engelsk, både munnleg og skriftleg.  Andre språk som tysk eller fransk er positivt
• erfaring med strategisk arbeid, forretningsutvikling eller investeringsbeslutningar
• god forståing for samspel mellom offentleg forvaltning og privat næringsliv
• kjennskap til verkemiddelapparatet som er relevant for bedriftar som skal etablere seg
• kjennskap og nettverk til næringslivet i Vestland
• erfaring frå kommunikajons- og formidlingsarbeid som journalistikk eller informasjonsarbeid
• internasjonal erfaring frå jobb eller utdanning
• god gjennomføringsevne og evne til å handtere komplekse prosessar
• erfaring frå privat næringsliv
• erfaring frå "Investment Promotion Agency" i Noreg eller utanlands

Personlege eigenskapar

Du kjenner deg igjen i verdiane våre som er open, kompetent og modig.

Vi ser etter deg som:

• arbeider sjølvstendig, strukturert og målretta
• er trygg i møte med eksterne aktørar og toppleiarar
• har god rolleforståing og høg integritet
• trivst med både analytisk arbeid og relasjonsbygging
• ønsker å bidra aktivt til utvikling av Vestland som attraktiv etableringsregion
• har gode formidlingsevner
• er resultatorientert

Personlege eigenskapar vil bli vektlagde.

Vi tilbyr

Hos oss får du:

• ein meiningsfull og samfunnsnyttig arbeidskvardag i skjæringspunktet mellom næringsliv og offentleg sektor
• ei spanande stilling i eit arbeidsmiljø med høg fagleg kompetanse som jobbar for å utvikle Vestland
• gode moglegheiter for fagleg utvikling
• løn etter avtale
• gode offentlege pensjons- og forsikringsordningar

Kontaktinformasjon

Sølve Dag Sondbø, seksjonssjef, 90075325

Arbeidsstad

Lars Hilles gate 22

5008 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5125170797

Stillingsprosent: 100%

Fast

Søknadsfrist: 30.06.2026