Kundebehandlar

Vil du vera med i den vidare utviklinga av Sylvsmidja?

Me søkjer kundebehandlar for fast tilsetting i 100% stilling.

Me ser etter deg som likar kunderådgjeving og service. Du trivst med at arbeidsdagen vekslar mellom praktiske og teoretiske oppgåver, men der sjølve kjernen er å yta kundeservice med høg kvalitet. Me vil ha deg med på laget dersom du kan jobba sjølvstendig, men du må også lika å vera ein del av eit arbeidslag der alle oppgåver er avhengige av eit godt samspel.

Arbeidsoppgåver:

• Kundedialog både fysisk, på telefon, e-post og chat. Me har eit veldig breitt sortiment innan bunadsølv og smykke, så du må ha kapasitet og ynske om å læra deg mykje om både bakgrunn og bruk av alle desse produkta.
• Lagerlogistikk, m.a. mottak, pakking og utsending av varer.
• Ansvar for deloppgåver i kundesenteret.

Kompetanse og personlege eigenskapar:

• Fagbrev innan salsfaget eller service- og administrasjonsfaget er ynskjeleg, men relevant jobberfaring kan kompensera for manglande utdanning.
• Gode kommunikasjonsevner, både munnleg og skriftleg, på nynorsk og engelsk.
• Sterk digital kompetanse, og det er ein fordel om du har erfaring i bruken av datasystem innan vare- og kundebehandling.
• Positiv og omgjengeleg
• Ordenssans

Me tilbyr løn etter avtale og mogelegheit til å verta med i eit team som består av kunnskapsrike og omgjengelege kollegaer. Me ynskjer ei snarleg tilsetting.

Dersom du har spørsmål om stillinga kan du ta kontakt med leiar for kundesenteret Eldrid Eilertsen på tlf. 95 94 13 76, eller dagleg leiar Trond Syversen på tlf. 99 20 71 88.

Søknad med CV kan sendast pr e-post til eldrid.eilertsen@sylvsmidja.no via "søk på stilling" knappen på denne siden snarast og innan 25. juni 2026.

Med kjærleik for faget har me i 86 år laga bunadsølv av den ypparste kvalitet i verkstaden vår på Voss. I dag er me den leiande tilverkaren av det som får bunader til å blenkja. I tillegg lagar me produkt retta mot smykke- og gåvemarknaden. Salet av produkta våre skjer i hovudsak i Noreg, men me jobbar òg med ei spanande satsing internasjonalt og har fleire innovasjonsprosjekt gåande.  Bedrifta har 70 tilsette og ein årsomsetnad på ca. 130 mill.

For meir informasjon, sjå www.sylvsmidja.no