Vil du arbeide med menneske, tru og fellesskap i ei levande kyrkje? Nord-Fron kyrkjelege fellesråd lyser no ut ei spennande og meiningsfull stilling som kombinerer diakoni og kyrkjeleg undervisning.
Stillinga er delt, 50 % er diakon og 50 % er kyrkjelydspedagog. Vi ønskjer oss ein engasjert medarbeidar som vil vere med og utvikle kyrkjelydslivet i dei fire sokna Kvam, Kvikne, Skåbu og Sødorp.
Fellesrådet har vedtekne planar for både diakoni og kyrkjeleg undervisning og læring i dei fire sokna.
Planarbeid og evaluering av tiltaka er ein naturleg del av stillinga.
Arbeidsoppgåver
Som diakon vil du:- leie og utvikle kyrkjelyden si diakoniteneste.
- arbeide førebyggjande og oppsøkjande overfor menneske som treng støtte og omsorg
- bidra til å styrkje fellesskap og diakonal haldning i kyrkja og lokalsamfunnet.
- rekruttere, rettleie og følgje opp frivillige i det diakonale arbeidet.
- delta i sorgarbeid og sjelesorg.
- medverke i gudstenester og kyrkjelege handlingar
- halde andaktar ved Sundheim bu- og treningssenter.
- dersom du har eit positivt forhold til song og musikk, er det ein fordel, men ikkje eit krav
Som kyrkjelydspedagog vil du:
- vere ein pådrivar i kyrkjeleg undervisning og læring for barn og unge (0–18 år)
- vere med i konfirmantarbeidet.
- planleggje og gjennomføre undervisning og tiltak i tråd plan for kyrkjeleg undervisning og læring.
- bidra til at barn, unge og familiar deltek aktivt i kyrkjelyden
- samarbeide med barnehagar, skular og andre samarbeidspartnarar, samt rekruttere og følgje opp frivillige medarbeidarar
Kvalifikasjonar
- Søkjarar må være medlem av Den norske kyrkja
- Godkjend utdanning som diakon og/eller pedagog (eller anna relevant utdanning). Utdanning som diakon i samsvar med «Tenesteordning med kvalifikasjonskrav for diakonar», vedteken av Den norske kyrkja.
- Søkjarar med anna relevant utdanning blir også oppmoda om å søkje, og kan tilsetjast som diakonimedarbeidar inntil kvalifikasjonskrava for diakon er oppfylte. I slike tilfelle vil det bli lagt til rette for å gjennomføre nødvendig utdanning innan avtalt tidspunkt.
- Erfaring frå helse- og sosialfagleg arbeid, frivillig arbeid og/eller kyrkjeleg verksemd er ønskjeleg.
- Gode kommunikasjons- og samarbeidsevner, og motivasjon for å arbeide tverrfagleg.
- Evne til å arbeide sjølvstendig og i samarbeid med stab, frivillige og samarbeidspartnarar
- Engasjement for kyrkja sitt arbeid og oppdrag
- Personleg eignaheit vil bli tillagt stor vekt
- Gode digitale ferdigheiter.
- Du må ha førarkort og tilgang til eigen bil
Vi tilbyr
- ei variert og meiningsfull stilling
- eit godt arbeidsmiljø med engasjerte kollegaer
- høve til å vere med og forme og utvikle arbeidet
- spennande arbeidsoppgåver som gir den gode moglegheiter til fagleg og personleg utvikling
- arbeidstid i samsvar med gjeldende avtaleverk, med noko kvelds- og helgearbeid
- løn etter gjeldande tariffavtale (KA) og pensjonsordning i KLP.
- tilsetjing hos en viktig samfunnsaktør i utvikling
Tilsetjing
Tilsetjing skjer i Nord-Fron kyrkjelege fellesråd. Stillinga har kyrkjeverja som næraste leiar, og arbeidet skjer i samarbeid med prestane og resten av staben.
Det må leggjast fram politiattest (barneomsorgsattest).
Kontaktinformasjon
Morten Hagen, Kyrkjeverje, 975 36 584
Arbeidssted
Nedregata 54
2640 Vinstra
Nøkkelinformasjon:
Arbeidsgiver: Nord-Fron kyrkjelege fellesråd
Referansenr.: 5158878703
Stillingsprosent: 100%
Fast
Søknadsfrist: 24.08.2026