Forskar 1109 i nanoplasmonisk laserindusert fusjonsenergi

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video:

https://youtu.be/M5n6RnScNgA

Forskar 1109 i nanoplasmonisk laserindusert fusjonsenergi

Ved Institutt for fysikk og teknologi ved Universitetet i Bergen er det ledig ei mellombels stilling som forskar innan laserfusjon. Stillinga er for ein periode på eitt år og er knytt til FUSENOW-prosjektet, som er finansiert av Trond Mohn forskingsstiftelse (TMF).

Om prosjektet/arbeidsoppgåver:

Oppgåva er å delta i både teoretisk og eksperimentell forsking innan nanoplasmonisk laser-indusert fusjonsenergi (NAPLIFE) i FUSENOW-prosjektet, der ein nyttar NAPLIFE-metoden innanfor tregleiksinnelukka fusjon (ICF), ei grein av kjernefusjon. Den teoretiske oppgåva er å gjere kinetisk teori molekylær dynamikk-simuleringar for aneutroniske kjernefusjonsreaksjonar, og å delta i høgenergi laserinduserte fusjonseksperiment som inkluderer internasjonale laboratorium ved den europeiske laserinfrastrukturen ELI, og andre som PHELIX-laseren ved GSI/FIAS-laboratoriet i Darmstadt i Tyskland.

Kvalifikasjonar og eigenskapar:

• Søkjarar må ha ein grad tilsvarande ein norsk doktorgrad (Ph.D.) innan fagområdet laser-indusert aneutronisk kjernefusjon, eller må ha levert doktorgradsavhandlinga si til vurdering innan søknadsfristen. 
• Røynsle frå aneutroniske kjernefusjonsreaksjonar (t.d. p+11B) og kjennskap til aktiviteten i HB11, NAPLIFE, FUSENOW og INFN FUSION er eit krav. I tillegg er kjennskap til andre aneutroniske laserinduserte kjernefusjonsprosjekt ein føremon. 
• Røynsle med relevante fusjons-kodar (t.d. Geant4) og grunnleggjande programmeringsspråk (Matlab eller Python) er ein føremon. 
• Søkjarar må kunne arbeide sjølvstendig og strukturert, og ha evne til å samarbeide med andre. 
• Søkjarar må ha framifrå ferdigheiter og tidlegare dokumentert vitskapleg aktivitet på munnleg og skriftleg engelsk.

Personlege og mellommenneskelege eigenskapar vil bli lagt vekt på. Forskingsrøynsle, ambisjonar og potensial vil også telle ved vurdering av kandidatane. 

Særeigne krav for stillinga

• UiB er underlagd regelverket for eksportkontroll og regelverket gjeld ved behandling av søknadar til stillinga.

Vi kan tilby:

• Eit godt og fagleg stimulerande arbeidsmiljø
• Stilling som forskar (kode 1109 i hovudtariffavtalane i staten) og brutto årsløn på kr. 685 900,- ved tilsetjing. Vidare opprykk skjer etter stillingsansiennitet. For særleg kvalifiserte søkjarar kan det bli aktuelt å vurdere høgare løn.    
• Medlemsskap i Statens pensjonskasse
• Gode velferdsordningar

Søknaden skal innehalde:

• Ei kort utgreiing om søkjaren sine forskingsinteresser og motivasjonen for å søkje stillinga.
• Ei detaljert grunngjeving av kvalifikasjonane dine i høve til dei oppførte krava, og korleis du oppfyller kvart kriterium. I tillegg bør du adressere dei nemnde "fordelane", då desse vil bli vurderte ved rangeringa av kandidatane. 
• Namn og kontaktopplysningar til to referansar. Ein av desse bør vere hovudrettleiaren frå doktorgradsutdanninga.
• CV
• Karakterutskrifter og vitnemål. Dersom du enno ikkje har fullført doktorgraden må du levere ei stadfesting på at doktorgradsavhandlinga er levert. 
• Relevante attestar
• Liste over vitskaplege arbeid (publikasjonsliste med lenkjer)

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

For meir informasjon om stillinga, ver venleg og ta kontakt med prof. dr. Jan Petter Hansen, telefon: +47 9706 0483, e-post: jan.hansen@uib.no, eller prof. emeritus dr. Laszlo Pal Csernai, telefon: +47 9580 1886, e-post: laszlo.csernai@uib.no. For HR-relaterte spørsmål, ta kontakt med Vivian Stegen Jacobsen, e-post: vivian.jacobsen@uib.no, telefon: +47 55 58 35 27. 

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. 

Nærare om tilsettingsprosessen her.