Mellombels stilling som forskar i QUANTA-prosjektet

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video:

https://youtu.be/M5n6RnScNgA

Forskar 

Det er ledig ei mellombels stilling som forskar ved Institutt for samfunnspsykologi, Det psykologiske fakultet, Universitetet i Bergen (UiB). Stillinga er for ein avgrensa periode på 12 månader frå 01.01.2027 til 31.12.2027, og er ein del av prosjektet «Evolution of Cognitive Tools for Quantification (QUANTA)», finansiert av Det europeiske forskingsrådet (ERC) gjennom eit Synergy Grant til Andrea Bender (UiB), Francesco d’Errico (CNRS Bordeaux), Russell Gray (MPI for Evolutionary Anthropology, Leipzig) og Rafael Núñez (UiB).

Arbeidsstad for stillinga er Bergen.

Om prosjektet/arbeidsoppgåver:

• QUANTA har som mål å rekonstruere opphavet til og utviklinga av talsystem: når og kvifor dei vart oppfunne, og korleis og kvifor dei vart diversifiserte. Det seksårige prosjektet, som starta i september 2021, er forankra ved tre institusjonar – UiB, CNRS Bordeaux og MPI EVA Leipzig – som samarbeider tett og har jamleg utveksling.
• Stillinga vil vere ein del av teamet leia av professor Andrea Bender (UiB), og arbeidet vil vere retta mot evolusjonære analysar av storskala tverrfaglege data. Stillinga vil òg vere knytt til SFF-senteret Centre for Early Sapiens Behaviour (SapienCE) ved Universitetet i Bergen.

Meir informasjon om prosjektet er tilgjengeleg på denne nettsida.

Kvalifikasjonar og eigenskapar:

• Søkjaren må på søknadstidspunktet ha doktorgrad eller tilsvarande grad innan psykologi, med spesialisering i utviklinga av språk og kognisjon.
• Søkjaren må ha inngåande kjennskap til litteraturen om kulturell og kognitiv evolusjon. Kjennskap til teoriar om utviklinga av talsystem er òg ønskjeleg.
• Søkjaren må ha erfaring med empiriske metodar for hypotesetesting, og særleg med gjennomføring av overføringskjedeeksperiment (transmission chain experiments) på tvers av kulturar.
• Søkjaren må kunne dokumentere tverrfagleg samarbeid, inkludert døme på integrering av innsikt frå ulike fagfelt (til dømes vitskaplege manuskript, søknader om forskingsmidlar og liknande).
• Det vert venta at søkjaren har potensial til å publisere i høgt rangerte vitskaplege tidsskrift.
• Søkjaren må kunne arbeide sjølvstendig og strukturert, og må vere villig og i stand til å samarbeide med andre.
• Det vert kravd høg kompetanse i både skriftleg og munnleg engelsk.
• Det vert venta brei vitskapleg interesse utover eige fagfelt. Kjennskap til forskingsområdet ved SapienCE-senteret vil vere ein fordel.

Personlege og relasjonelle eigenskapar vil bli vektlagde. Forskingserfaring, ambisjonar og potensial vil òg telje i vurderinga av kandidatane.

Universitetet i Bergen er underlagt regelverket for eksportkontroll. Regelverket vil bli nytta i behandlinga av søknadene. Dersom universitetet ikkje har motteke vurdering frå Utanriksdepartementet innan 6–12 veker etter søknad om eksportlisens, vil eit eventuelt tilbod om tilsetjing bli trekt tilbake.

Vi kan tilby:

• Spennande og utviklande arbeidsoppgåver i eit sterkt fagmiljø
• Ei årsløn på kr 685 900 før skatt (stillingskode 1109) i det statlege lønssystemet. For særleg kvalifiserte søkarar kan det vere aktuelt å vurdere høgare løn. Vidare lønsauke vil vere avhengig av ansiennitet i stillinga.  
• Medlemsskap i Statens pensjonskasse
• Gode velferdsordningar

Søknaden skal innehalde:

• Ei kort framstilling av forskingsinteresser og motivasjon for å søkje stillinga. Dette bør omfatte eitt avsnitt om korleis kvart av kvalifikasjonskrava ovanfor er oppfylte (med særleg vekt på erfaringar som er relevante for QUANTA), og eitt avsnitt om korleis forskingsinteressene dine er relevante for den utlyste stillinga og QUANTA-konteksten.
• CV.
• Stadfesta kopiar av vitnemål (høgare utdanning), karakterutskrifter og andre relevante attestar. Søkjarar med utanlandsk utdanning må leggje ved både vitnemål på originalspråket og autoriserte omsetjingar.
• Namn på to referansar (namn og kontaktinformasjon).
• Fullstendig publikasjonsliste.
• Publikasjonar i eige namn som du ønskjer skal inngå i vurderinga av søknaden (maksimalt 3).

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Utfyllande opplysningar om stillinga kan ein få ved å vende seg til: 

• professor Andrea Bender, Institutt for samfunnspsykologi, andrea.bender@uib.no 

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.     

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.