Vil du vere med å forme korleis Vestland fylkeskommune samarbeider med kommunane om plan, klima og stadutvikling? I seksjon for plan, klima og analyse (PKA), avdeling for næring, plan og innovasjon, lyser vi no ut ei ny leiarstilling – ei unik moglegheit for deg som kombinerer fagleg tyngde med leiarglede. Som leiar får du personalansvar for dei tilsette i arbeidsgruppa, og du vil vere sentral for fagleg utvikling og kvalitet i arbeidet.
Stillinga er på leiarnivå 4 og rapporterer til seksjonsleiar.
Oppgåvene til arbeidsgruppa vil mellom anna vere å:
- rettleie og bistå kommunane i deira planlegging
- samordne og koordinere fråsegn til kommunale planar
- rettleie og følgje opp klimaarbeidet og stadutviklinga til kommunane
Arbeidsoppgåver
Arbeidsoppgåvene dine vil mellom anna vere:
- personalansvar for tilsette i gruppa, inkludert fagleg oppfølging og utvikling av medarbeidarane
- koordinere det daglege arbeidet innan fagområdet
- rådgje og rettleie medarbeidarar og sikre kvalitet og framdrift i arbeidet
- vere ein drivkraft innanfor fagområdet og ta initiativ til utvikling og nye arbeidsmåtar
- støtte seksjonsleiar i å utvikle fagområda til seksjonen
- bidra til å avklare større og tverrfaglege problemstillingar saman med seksjonsleiar
- medverke til godt samarbeid på tvers i seksjonen og avdelinga
Kvalifikasjonar
Vi ser etter deg som har:
- høgare utdanning på masternivå. Kandidatar med bachelorgrad og relevant erfaring kan vurderast for stillinga.
- god kunnskap om ansvarsområda og oppgåvene som ligg til arbeidsgruppa
- engasjement og evne til å utvikle fagområda vidare
- erfaring med leiing eller koordinering
Personlege eigenskapar vil bli vektlagde.
Leiings- og personalkompetanse
I denne stillinga vil du ha personalansvar, og det er difor avgjerande at du har gode leiareienskapar.
Vi ser etter deg som:
- skapar tillit – er tydeleg, lyttande og legg til rette for trygge rammer for medarbeidarane
- er utviklingsorientert – har eit genuint engasjement for å hjelpe medarbeidarar med å vekse og utvikle seg
- kommuniserer godt – gjev konstruktive tilbakemeldingar og involverer medarbeidarane i avgjerder
- er tydeleg i rolla – forstår skilnaden mellom å vere fagperson og å vere leiar, og trivst med begge delar
- følgjer opp – er nær nok til å sjå medarbeidarane, og har mot til å ta vanskelege samtalar når det trengst
- delegerer og set forventningar – er ein støttespelar som legg til rette for at andre kan lukkast
Vi tilbyr
- Ein nyskapande og fagleg sterk arbeidsplass i utvikling
- Ei ny leiarrolle med personalansvar
- Gode høve for fagleg og personleg utvikling
- Konkurransedyktig lønn etter avtale
- Leiarutviklingsprogram
Kontaktinformasjon
May-Britt Nesje Hernes, Seksjonsleiar, +47 41688169
Arbeidsstad
Lars Hilles gate 22
5008 Bergen
Nøkkelinformasjon:
Arbeidsgivar: Vestland fylkeskommune
Referansenr.: 5133763253
Stillingsprosent: 100%
Fast
Søknadsfrist: 13.08.2026