Har du leiarerfaring og søkjer nye utfordringar?

Tolletaten har ei viktig rolle som samfunnsbeskyttar, og samfunnsoppdraget vårt er å sikre etterleving av lover og reglar for grensekryssande vareførsel. Brei og målretta verkemiddelbruk skal bidra til auka etterleving før, under og etter grensepassering.

No har du høve til ein leiarjobb, med nasjonalt fagansvar og eit viktig samfunnsoppdrag. Tolletaten søkjer seksjonssjef til Seksjon for saksbehandling i Vareførselsdivisjonen (VD). Seksjonen er nyoppretta og i utvikling. Vi søkjer ein tydeleg og utviklingsorientert leiar som vil spele ei sentral rolle i å sikre effektiv, korrekt og lik handsaming av saker knytt til registrert vareførsel.

Seksjon for saksbehandling har ansvar for eit breitt og viktig saksbehandlingsfelt som omfattar løyver, autorisasjonar, godkjenningar, sanksjonar og innsynssaker. Seksjonen er under oppbygging, og vil på sikt ha mellom 20 og 25 tilsette. Som leiar vil du rapportere til avdelingsdirektør for Avdeling for juridisk og saksbehandling (i Bergen), og være medlem av leiargruppa i avdelinga. Seksjonen er lokalisert i Bergen, saman med andre seksjonar og divisjonar i Tolletaten.

 
 
Sentrale arbeidsoppgåver

Som leiar vil du ha eit heilskapleg ansvar for å leie seksjonen både administrativt og fagleg. Seksjonsleiar har hovudansvar for oppgåvene som til kvar tid ligg til seksjonen.

• som leiar har du personal- og leiaransvar for medarbeidarane i eininga og skal kjenne til, nytte og utvikle ressursane i personalgruppa på best mogleg vis
• du vil samarbeide med andre einingar internt i etaten og med aktuelle eksterne samarbeidspartnarar for å nå måla som er sette
• du skal bidra til å sikre god brukardialog og samhandling med næringa og privatpersonar
• undervisnings- og foredragsoppgåver inngår i stillinga, og du må rekne med at det kan bli noko reising

 
 
Kvalifikasjonar: 

• guridisk embetseksamen/master i rettsvitskap
• relevant leiarerfaring 
• gode faglege kunnskapar og godt fagleg skjønn
• svært god munnleg og skriftleg formuleringsevne på norsk 
• god munnleg og skriftleg formuleringsevne på engelsk

 
 
Det er ønskjeleg med erfaring frå minst éin av følgjande:

• organisasjonsutvikling, forbetringsprosessar og prosessleiing
• brukardialog og samhandling med næringa og privatpersonar
• tverrfagleg samarbeid med andre einingar internt og eksternt 
• ulike roller i komplekse organisasjonar

 
 
Vi søkjer deg som: 

• er tydeleg og trygg i leiarrolla
• er analytisk, strategisk og utviklingsorientert
• har evne til å drive prosessar og handtere ulike oppgåver innan frist
• evnar å byggje gode relasjonar internt og eksternt
• er fleksibel og løysingsorientert 
• er reflektert og trygg på eigne verdiar

 
 
Vi tilbyr:

• moglegheit for den rette kandidat til å forme og utvikle ein nyoppretta seksjon
• eit tverrfagleg arbeidsmiljø, med eit viktig felles samfunnsoppdrag
• lønn, ut frå kvalifikasjonar og erfaring i stillingskode som seksjonssjef i spennet 840 000 – 920 000. For særskilt kvalifiserte søkjarar kan høgare lønn vurderast
• eit moderne kontorlandskap sentralt på Danmarksplass, med sykkelparkering, treningsrom og ein veldriven kantine
• fleksibel arbeidstid, og moglegheit for BIA (rørsle i arbeidstida). I tillegg får du medlemskap i Statens pensjonskasse, som har gode forsikrings- og pensjonsordningar, og dessutan gode vilkår på bustadlån

 
 

Uttømmande og utvida politiattest skal hentast inn og leggjast fram før eventuell tilsetjing, jf. vareførselslova § 1-4.

Stillinga inneber regelmessig handtering av skjermingsverdig informasjon. Den som blir tilsett, må kunne sikkerheitsklarerast og autoriserast på nivå HEMMELEG/NATO Secret i samsvar med tryggleikslova. Du kan lese meir om tryggleiksklarering her: Sikkerhetsklarering - Nasjonal sikkerhetsmyndighet

 

For meir informasjon om stillinga kan du kontakte avdelingsdirektør June Nesse på 477 97 831. Om du har spørsmål knytt til rekrutteringa kan HR kontaktast på

 
 
 
 
Til deg som søkjer jobb i Tolletaten

Du må fylle ut felta «Utdanning» og «Arbeidserfaring» og laste opp relevante vitnemål og eventuelle attestar.

 

Mangfald gjer oss betre! For å løyse samfunnsoppdraget vårt treng vi medarbeidarar med ulike erfaringar og perspektiv. Difor oppmodar vi alle kvalifiserte kandidatar til å søkje – særleg deg med funksjonsnedsetjing, innvandrarbakgrunn eller hol i CV-en. Ved å krysse av for dette i søknaden kan du ha rett på positiv særbehandling. Les meir om dette på

arbeidsgivarportalen.
 

Ver merksam på at namnet ditt kan bli offentleggjort på ei offentleg søkjeliste, i tråd med gjeldande regelverk. Vi nyttar Semac bakgrunnssjekk i samband med våre tilsetjingar.